Қостанай облысы әкімдігі білім басқармасының «Бейімбет Майлин ауданы білім бөлімінің

№ 2 Тобыл жалпы білім беретін мектебі» КММ
КГУ «Тобольская общеобразовательная школа №2 отдела образования района Беимбета Майлина» Управления образования акимата Костанайской области

7 сәуір – Дүниежүзілік денсаулық күніне орай 🗓️💚 мектебімізде 2-сынып оқушыларымен сынып сағаты өткізілді.

Сынып сағаттарының мақсаты – оқушыларға денсаулықтың маңыздылығын түсіндіру 🧠, салауатты өмір салтын қалыптастыру 🏃‍♀️, дұрыс тамақтану 🥗, жеке бас гигиенасы 🧼 және зиянды әдеттердің алдын алу 🚭 туралы ақпарат беру.

🤝 “Наурызнама – Ынтымақ күні” 🤝

Мектебімізде Наурыз мерекесіне орай ұйымдастырылған “Наурызнама” аясында Ынтымақ күні ерекше мазмұнда аталып өтті.

Бұл күннің басты мақсаты – оқушылар арасында достықты, бірлікті, өзара сыйластықты нығайту, көпұлтты еліміздің татулығын дәріптеу болды.

Іс-шара барысында әр ұлттың мәдениеті таныстырылып, оқушылар ұлттық киімдер киіп, түрлі халықтардың салт-дәстүрлері мен өнерін паш етті. Ән мен би, ұлттық ойындар арқылы достық пен татулықтың маңызы кеңінен насихатталды.

Шара барысында оқушылар бірлік пен ынтымақтың құндылығын терең түсініп, “Бірлік бар жерде – тірлік бар” екенін тағы бір дәлелдеді.

✨ Ынтымақ – елдің тірегі, татулық – халықтың жүрегі. Осындай игі шаралар жас ұрпақты бірлікке, сыйластыққа тәрбиелейді.

🌿 Баршаңызды Наурыз мерекесімен құттықтаймыз! Еліміз аман, жұртымыз тыныш, бірлігіміз бекем болсын!

«Даналық мектебі» жобасы аясында мектебімізде тағылымы мол, тәрбиелік мәні жоғары кездесу ұйымдастырылды. Іс-шара барысында әкелер, аталар, әжелер мен жеңгелер тобы бас қосып, оқушылармен еркін әңгіме жүргізді.
Кездесу барысында үлкендер өздерінің өмірлік тәжірибелерімен бөлісіп, жас ұрпаққа ақыл-кеңестерін айтты. Олар бала тәрбиесі, үлкенді құрметтеу, ата-ананы қадірлеу, еңбекқорлық пен адалдық сияқты адамгершілік құндылықтар туралы тағылымды ойларын жеткізді. Әсіресе ата-әжелер ұлттық салт-дәстүрлердің маңызын айтып, өмірден алынған өнегелі әңгімелермен бөлісті.
Оқушылар да өз кезегінде үлкендерге сұрақтар қойып, олардың ақыл-кеңестерін қызығушылықпен тыңдады. Мұндай кездесулер жас ұрпақтың ұлттық құндылықтарды құрметтеуіне, үлкенге ізет, кішіге қамқор болуға тәрбиелеуде маңызды рөл атқаратыны анық.
Іс-шара соңында оқушылар қонақтарға алғыстарын білдіріп, үлкендердің батасын алды. Осындай тағылымды кездесулер өскелең ұрпақтың бойына ізгі қасиеттерді сіңіріп, өмірлік бағыт-бағдар берері сөзсіз.

#Nauryznama2026
#ҰлыДалаНаурызы;

«ДОСБОЛLIKE: ДОСТЫҚ ҚОЛЫН ҰСЫН» акциясына 8-сынып оқушылары атсалысты. 

Мақсат: Мектеп ортасында шығармашылыққа негізделген ұжымдық іс-әрекет арқылы дұрыс қарым-қатынас орнатуға жағдай жасау.

«Таза Қазақстан» жобасы аясында

оқушылар мектеп ауласындағы гүлдерді суарды.

✅Іс-шараның мақсаты – оқушыларды табиғатты аялауға, тазалықты сақтауға және еңбекқорлыққа тәрбиелеу.

Балалар бірлесіп еңбек етіп, аула аумағын таза ұстауға өз үлестерін қосты.

21 мамыр күні мектебімізде оқу жылының аяқталуына байланысты қорытынды ата-аналар жиналысы өткізілді. Жиын барысында оқу жылының қорытындысы шығарылып, оқушылардың оқу үлгерімі мен тәртібі туралы ақпарат берілді. Сонымен қатар, ата-аналармен бірлесе отырып, жазғы демалыс кезіндегі оқушылардың қауіпсіздігі, бос уақытын тиімді ұйымдастыру және келесі оқу жылына дайындық мәселелері талқыланды. Жиналысқа сынып жетекшілері мен мектеп әкімшілігі қатысып, ата-аналар тарапынан қойылған сұрақтарға жауап берді.

1 мамыр – Қазақстан халқының бірлігі күніне орай ұйымдастырылған ауылдық көрмеге өз үлесіңізді қосқаныңыз үшін рақмет айтамыз. «Шебер қолдар» үйірмесінің нәтижелі жұмыс жасағанын көрсете білдіңіз! 🩷Белсенді атсалысып, оқушылардың шығармашылық қабілетін дамытуға қосқан зор үлесіңіз үшін алғысымызды білдіреміз!

Сіз дайындаған көрме- ұлтымыздың мәдениетін таныстырып, оқушыларға достық пен бірліктің қадірін ұғындыруға үлкен септігін тигізді.✊✊✊🇰🇿

Алаш ардақтысы, ақын, қоғам қайраткері М.Дулатұлының туғанына 140 жыл толуына арналған «Алаштың рухы-Міржақыптың жыры» атты аймақтық жас ақындар айтысында «жас ақын» номинациясына (арнайы жүлде) мектебіміздің 7-сынып оқушысы Перизат Амин иеленді.