Қостанай облысы әкімдігі білім басқармасының «Бейімбет Майлин ауданы білім бөлімінің

№ 2 Тобыл жалпы білім беретін мектебі» КММ
КГУ «Тобольская общеобразовательная школа №2 отдела образования района Беимбета Майлина» Управления образования акимата Костанайской области

«№2 Тобыл жалпы білім беретін мектебі» КММ-де 5-11 сынып оқушыларының ата-аналарына арналған «Аутодиструктивті мінез-құлықтың алдын-алу» тақырыбында жиналыс өтті. Жиналыстың мақсаты — ата-аналарды аутодиструктивті мінез-құлық, оның себептері мен салдары туралы ақпараттандыру, сондай-ақ балалар мен жасөспірімдер арасында осындай мінез-құлықтың алдын алу шараларын көрсету болды.
ТЖО А.Алькеева ата-аналарға «Жүрек жылуы» атты интерактивті тренинг жүргізіп, қатысушылардың өзара қарым-қатынас дағдыларын дамытуға, психологиялық қолдау көрсетуге және балалармен дұрыс байланыс орнатуға бағытталған жаттығулар ұйымдастырды. Сонымен қатар, ол кәмелет жасқа толмағандар арасындағы аутодиструктивті мінез-құлықтың алдын алуға бағытталған бағдарламалардың маңыздылығына, олардың педагогикалық және психологиялық мәніне тоқталды.
Педагог-психолог Ы.Лескенов практикалық кезеңде арнайы видеоматериалдар көрсетті және оларды бірге талқылау арқылы ата-аналардың назарын нақты мысалдар арқылы аударды. Қатысушылар жағдаяттық тапсырмаларды орындап, өз тәжірибелерімен бөлісті.
Әлеуметтік педагог К.Ахметжанова қатысушыларды топтарға бөліп, тақырыпқа байланысты талқылаулар жүргізді, ой-пікір алмасуға жағдай жасады. Жиналыс соңында қатысушыларға арнайы жадынамалар таратылып, қажетті ақпарат толық жеткізілді.
Жиналыс өте жоғары деңгейде өтіп, ата-аналар тарапынан белсенді қатысу мен оң пікірлер алынды. Ұйымдастырушылардың кәсіби жұмысы мен қатысушылардың ынтасы бірлесе тиімді нәтиже берді.

АТА-АНАЛАР ҚАУЫМДАСТЫҒЫМЕН ДӨҢГЕЛЕК ҮСТЕЛ ӨТТІ

Мектебімізде ата-аналар қауымдастығымен дөңгелек үстел ұйымдастырылды.
Іс-шараның тақырыбы:
«Мектеп – ата-ана – оқушы: бірлесе әрекет етудің маңызы».
Дөңгелек үстелдің негізгі мақсаты – мектеп пен ата-аналар қауымдастығы арасындағы өзара ынтымақтастықты нығайту, бала тәрбиесіндегі өзекті мәселелерді бірлесе талқылау, ата-аналардың педагогикалық мәдениетін арттыру.
Іс-шара барысында мектеп басшысы Г. Алиева сөз сөйлеп, мектеп пен ата-ана арасындағы серіктестіктің маңыздылығына тоқталды.
Мектеп психологы Лескенов Ы. ата-аналарға арналған тренинг өткізіп, бала тәрбиесіндегі психологиялық қолдау туралы пайдалы кеңестер берді.
Әлеуметтік педагог Ахметжанова К. құқық бұзушылықтың алдын алу бағытында түсіндіру жұмыстарын жүргізіп, ата-аналармен ашық пікір алмасты.
Кездесу барысында бейнематериал көрсетіліп, мазмұны жан-жақты талқыланды. Әр сыныпта кездесетін өзекті мәселелер қозғалып, ата-аналар мен педагогтер арасында еркін пікір алмасу орын алды. Нәтижесінде бірқатар мәселелер бойынша ортақ шешімдер қабылданып, нақты ұсыныстар жасалды.
Осындай мазмұнды кездесулер мектеп пен ата-ана арасындағы байланысты нығайтып, оқушылардың тәрбиесі мен қауіпсіз дамуына оң әсерін тигізеді.

Ұйымдастырушы: Тжо А.Алькеева

Мектеп Басшысы Алиева Г.Р., басшының оқу жөніндегі орынбасары Алтай Н.М., сондай-ақ сынып жетекшісі мен 11-сыныптың ата-аналары және оқушылары қатысқан жиналыс өтті.

Жиналыстың негізгі тақырыбы — Қаңтар ҰБТ, жалпы ҰБТ форматы, талаптары және дайындық барысы туралы толық ақпарат беру болды. Оқушылардың қазіргі уақытта дайындықтан жинап жүрген балл көрсеткіштері ата-аналарға ұсынылып, алдағы жұмыс жоспары талқыланды.

Сонымен қатар мектеп психологы Лескенов Ы.И.

«Балаңызды қаншалықты танисыз?» атты танымдық тренинг өткізіп, ата-аналар мен оқушылар арасында сенімді қарым-қатынас орнатудың маңыздылығын түсіндірді.

«Schoolboy Runaway – Стэлс» ойыны туралы ата-аналарға ескерту жасалған. Бұл ескертуде ойынның баланың психологиялық және физикалық жағдайына кері әсер етуі мүмкін екені айтылған. Атап айтқанда: Оқуға деген қызығушылықтың жоғалуы, Ойынға деген тәуелділік пен қызығушылықтың артуы, Жағымсыз тапсырмалардың көбеюі және тәртіптің нашарлауы, Өзін-өзі құрбандыққа дейін апаруы. Сондай-ақ, бұл ойынның PlayMarket және AppStore дүкендерінде қолжетімді екені және егер балаңыз осы ойынды ойнайтын болса, оның қауіпті екенін ескерту қажеттілігі айтылған.

https://www.instagram.com/reel/DASRdn_t2u2/?igsh=MXdma29xc2gxNzJjZw==